प्रस्तावित प्रधान न्यायाधीश शर्माको नाम संसदीय सुनुवाइबाट सर्वसम्मत अनुमोदन

काठमाडौं– सर्वोच्च अदालतका प्रस्तावित प्रधानन्यायाधीश मनोज शर्माको नाम संसदीय सुनुवाइ समितिबाट सर्वसम्मत अनुमोदन भएको छ ।

मंगलवार बसेको समिति बैठकले सुनुवाइ गरेको थियो । सुनुवाइ सकिएपछि शर्माको नाम अनुमोदन भएको हो ।

शर्माविरुद्ध समितिमा १६ वटा उजुरी परेका थिए । आफूविरुद्धका उजुरी र सांसदहरूको सवालमा शर्माले जवाफ दिए ।

समितिबाट अनुमोदन भएसँगै शर्मालाई प्रधान न्यायाधीशमा नियुक्तिको बाटो खुलेको छ ।