सकियो सरसफाइ सप्ताह, सुध्रिएन सिंहदरबार परिसरका शौचालय

काठमाडौं– सरकारले हालै ‘राष्ट्रिय सरसफाइ सप्ताह’ सञ्चालन गरेको थियो । जेठ १ गतेसम्म संघ, प्रदेश र स्थानीय तहका सबै कार्यालयमा सरसफाइ सप्ताह चलाइएको थियो ।

यसका लागि प्रधानमन्त्री तथा मन्त्रिपरिषद् कार्यालयले सरसफाइ सप्ताह सञ्चालनसम्बन्धी मार्गनिर्देशन २०८३ समेत जारी गरेको थियो ।
सरसफाइ सप्ताह सकिए पनि देशको प्रमुख प्रशासनिक केन्द्र सिंहदरबार परिसरको सार्वजनिक शौचालयको अवस्था भने नाजुक रहेको भेटिएको छ । शौचालय हेर्दा सफा देखिए पनि, शौचालय प्रयोग गरेर फ्लस गर्न पानीको व्यवस्था समेत नहुँदा आगन्तुकले सास्ती समेत भोग्नु परेको छ ।

ढोकाको चुकुल नलाग्नु, पानीको व्यवस्था नहुनाले शौचालय फोहर भई प्रयोग गर्न समेत नहुने अवस्थामा रहेको छ ।

सरकारले सरसफाइलाई प्राथमिकता दिए पनि सिंहदरबार परिसरकै शौचालयको यस्तो अवस्था रहनाले सरोकारवाला निकायले समयमै ध्यान पुर्याउन आवश्यक देखिन्छ ।