व्यवसायीजस्तै कामदारपनि जिम्मेवार बनाउनुपर्छ भन्ने एजेण्डासहित अध्यक्षका लागि पाण्डे मैदानमा

काठमाडौं– वैदेशिक रोजगार क्षेत्रका व्यवसायी हरि पाण्डे वैदेशिक रोजगार व्यवसायी संघको अध्यक्ष पदका लागि उम्मेदवारी दिने तयारीमा लागेका छन् । उनी हाल वैदेशिक रोजगार व्यवसायी एकता समाजका अध्यक्ष समेत छ ।

व्यवसायीका अधिकार र हित संरक्षणसँगै वैदेशिक रोजगारी प्रणालीलाई थप व्यवस्थित बनाउनुपर्ने एजेन्डा लिएर उनी जेठ २४ गते हुने संघको साधारण सभामा अध्यक्षको उम्मेदवारी दिने अन्तिम तयारीमा छन् ।

पाण्डेले वैदेशिक रोजगार क्षेत्रमा व्यवसायीमाथि मात्र जिम्मेवारी थोपर्ने प्रवृत्तिको अन्त्य हुनुपर्ने बताउँदै व्यवसायीजस्तै कामदार पनि आफ्नो दायित्वप्रति जिम्मेवार हुनुपर्ने एजेण्डका लागि मैदानमा उत्रिर्दै छन् ।

वैदेशिक रोजगार प्रक्रिया, श्रम सम्झौता र गन्तव्य देशको कानुन पालना गर्ने विषयमा सबै पक्षको समान उत्तरदायित्व आवश्यक रहेको पाण्डेको आवाज छ ।

सरकारले वैदेशिक रोजगार व्यवसायीलाई रेमिट्यान्सको हिस्सा मानेपनि व्यवसायी नस्वीकार्नेको प्रति उनको गुनासो छ ।

वैदेशिक रोजगार व्यवसायलाई मर्यादित, सुरक्षित र पारदर्शी बनाउन नीतिगत सुधार आवश्यक रहेको भन्दै पाण्डेले व्यवसायीको सम्मान र श्रमिकको हितलाई सँगसँगै अघि बढाउने प्रतिबद्धताका साथ मैदानमा उत्रिदै छन् ।

Image Source: © https://mulpatra.com

व्यवसायी, कामदार र सरकारबीच सन्तुलित सम्बन्ध कायम गरेर वैदेशिक रोजगार क्षेत्रका समस्या समाधान गर्नुपर्नेमा जोड दिएका छन् ।

नेपाल वैदेशिक रोजगार व्यवसायी एकता समितिका अध्यक्ष समेत भएर व्यवसायीका हकहितमा बोल्दै आएका पाण्डे क्षेत्रीले कामदारहरूका नाजायज माग र वैदेशिक रोजगार विभागको अनुचित दबाबका कारण व्यवसायीहरू व्यवसाय बन्द गर्ने अवस्थामा पुगेको हालै मात्र युवा, श्रम तथा रोजगारमन्त्री रामजी यादवसँग भएको भेटमा राखे । उनको यो आवाज धेरै व्यवसायीका लागि राहत भएको समेत बताइएको छ ।

मन्त्रीलाई बुझाएको फाइलमा तोकिएको तलब तथा सेवा–सुविधा पाउँदापाउँदै काम छाडेर भागी २६ दिनदेखि युएईमा लुकेर परिवार लगाएर आफूलाई धम्की दिने एक बद्नाम कामदारको फाइल मन्त्री यादवलाई हस्तान्तरण गरे ।

संघको आगामी नेतृत्व चयनलाई लिएर चहलपहल बढिरहेका बेला हरि पाण्डेको उम्मेदवारीले व्यवसायी वृत्तमा थप चर्चा सुरु भएको छ । उनका समर्थकहरूले व्यवसायी र श्रमिक दुवैको जिम्मेवारी सुनिश्चित गर्ने नेतृत्वको आवश्यकता रहेको बताउँदै पाण्डेलाई अध्यक्ष पदका बलिया दाबेदारका रूपमा प्रस्तुत गरेका छन् । पाण्डेले संघमा वरिष्ठ उपाध्यक्ष समेत भएर काम गरिसकेका छन् ।