हेवा खोला पुल बाढीले बगाउँदा दशै खल्लो हुने ताप्लेजुङबासीको चिन्ता
ताप्लेजुङ । गत बर्षको असार २ मा आएको बाढीले बगाएको मेची राजमार्ग अन्तर्गतको हेवाखोला पुलमा बल्ल तल्ल जडान भएको बेलिब्रिज यसपालीको बाढीले फेरी बगाइदिएको छ ।
दशैको मुखमा हेवा खोला पुल बाढीले बगाउँदा दशै तिहार जस्तो महत्वपुर्ण चाढपर्व खल्लो हुने ताप्लेजुङबासीले चिन्ता जनाएका छन ।
अबिरल बर्षापछि सो खोलामा आएको बाढीले आज बेलिब्रिज बगाएको स्थानीय प्रशासनले जनाएको छ ।
मेचि राजमार्ग अन्तर्गत पाँचथर र ताप्लेजुङ जोड्ने एकमात्र सडकको पुल बगाएपछि आवाज जावतका सबै साधन पुर्ण रुपमा बन्द भएको छ । दशैंको मुखमा आवाज जावत गर्ने पुल बगाएपछि कसरी घर जाने भन्ने चिन्ताले छाएको सताएको फिदिम बस्ने एक स्थानीयले बताए । दशैं तिहारका लागि खाद्यन्नको जोहो गर्ने, घर जाने सबै चिन्तामा रहेको समेत उनले बताए ।
अघिल्लो बर्ष मात्र हालिएको उक्त पुल पनि बगाएपछि स्थानीयले आक्रोश पोखेका छन् । राज्यले कत्रो बाढी आउँछ, कति उचाईमा राख्नु पर्छ भन्ने जस्ता प्राविधिक पक्ष नहेरी पुल हालिदा पुल बगेको स्थानीयले गुनासो गरेका छन ।