रविका बारेमा बोलेका प्रचण्डले प्रसाई पक्राउ पर्दा मुख खोलेनन्

काठमाडौं– नेकपा माओवादी केन्द्रका अध्यक्ष पुष्पकमल दाहाल प्रचण्डलाई कुनै बेला नागारिक बचाउ महाअभियानका संयोजक तथा मेडिकल व्यवसायी दुर्गा प्रसाईले ठुलै सहयोग गरेका थिए ।

प्रचण्डप्रति नरम अभिव्यक्ति दिने प्रसाई गत मंसिर ४ गते दोस्रो पटक पक्राउ परेपछि उनै प्रचण्डले प्रसाईका बारेमा हालसम्म पनि एक शब्द बोलेका छैनन् ।

दुई साताअघि झापाको एक कार्यक्रममा संम्बोधन गर्न पुगेका प्रचण्डले त्यहाँ पनि प्रसाईको बारेमा बोलेनन् । गत मंसिर ५ गते काठमाडौंमा भएको खबरदारी सभामा प्रचण्डले राश्वपाका सभापति रवि लामिछानेलाई सरकारले राजनीतिक प्रतिशोध साँधेको आरोप लगाए ।
एमाले अध्यक्ष तथा प्रधानमन्त्री केपी ओलीको ३२ अर्ब कम्बोडियाको टेलिकममा लगानी छ भनेर प्रमाण देखाएपछि गत मंसिर ४ गते प्रसाई पक्राउ परेका थिए । वास्तविक विषय छानबिन नगरी प्रसाईलाई ओलीको ठाडो निर्देशनमा पक्राउ गरियो ।

प्रसाई पक्राउ परेपछि ओलीको एमालेभित्रै विरोध भयो । भने कांग्रेसका केही नेताले ओलीले गलत गरेको सार्वजनिक रुपमै धारण राखेको थिए । तर यस विषयलाई एमालेले समेत खण्डन गरेन ।

कुनै बेला प्रसाई प्रचण्डकै सहयोगी थिए । प्रसाईले पुर्वमा माओवादीलाई अघि बढाउन ठुलै सहयोग गरेका थिए । तर उनै प्रसाईलाई प्रधानमन्त्री ओलीले झुटो मुद्दामा फसाउन खोज्दा प्रचण्ड भने मौन देखिए । उनी मौन भएको विषयमा माओवादी केन्द्रका नेताहरुले समेत प्रश्न उठाइरहेका छन् ।

गत मंसिर १४ गते प्रचण्डले रवि लामिछानेमाथि सरकारले गरेको व्यवहारको निन्दा गरेका थिए । उनले सामाजिक सञ्जाल फेसबुकमार्फत आफ्नो धारणा सार्वजनिक गरे ।
‘अदालतबाट दोषी ठहर नभएका, अत्यधिक जनमतद्वारा निर्वाचित रास्वपा सभापति रवि लामिछानेमाथि सरकारले गरिरहेको निरंकुश, अलोकतान्त्रिक, अमानवीय र प्रतिशोधपूर्ण व्यवहारको निन्दा गर्दछु। त्यसप्रकारको व्यवहार रोक्न गम्भीर आग्रह पनि गर्दछु,’ प्रचण्डले लेखेका थिए ।

तर यीनै प्रचण्डले विगतमा प्रसाईले लगाएको गुन भने बिर्सिएको आरोप सर्वसाधारणको छ । प्रचण्डले प्रसाईका बारेमा बोल्न नखोजेका हुन् । कि पछि बोल्छन् भन्ने प्रश्न पनि उठेको छ । प्रसाईले देशमा फैलिएको राजनीतिक विकृति, तस्करी, नेपालको पैसा विदेशीमा नेताले गरेको लगानी र देशमा मौलाइरहेको विकृतिको आवाज उठाएका थिए ।

प्रचण्ड नबोल्नुको मुख्य कारण भनेको उनको पनि ओलीको जस्तै विदेशमा लगानी छ । त्यही भएर पनि प्रचण्ड प्रसाईका बारेमा मुख खोल्न डराएका हुन् भन्ने सर्वसाधारणको अनुमान छ ।

प्रसाईले आफनै तहबाट नागरिक बचाउ महाअभियानलाई यहाँसम्म ल्याएका छन् । हाल उनीलाई देश विदेशमा रहेका नेपालीहरुले पार्टी खोल्न सुझाव दिइरहेका छन् । प्रसाईले यस विषयमा केही प्रतिक्रिया दिएका छैन ।

हाल प्रसाईको महाअभियानमा ३२ लाखभन्दा बढी नेपाली जोडिएका छन् । उनको महाअभियानमा जोडिएका व्यक्तिले नै नयाँ संरचना र योजना भएको पार्टी ल्याउन सुझाव दिएका छन् ।