तीनकुने घटनाः प्रहरीले सुरुमै मञ्चमा अश्रुग्यास हानेको प्रहरीकै रिपोर्ट, निपष्क्ष छानविन नगरी प्रसाईलाई दोष

काठमाडौँ–दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ र नवराज सुवेदी नेतृत्वको ‘राजसंस्था पुनस्र्थापनाका लागी संयुक्त जनआन्दोलन समिति’ले चैत १५ मा प्रदर्शन आयोजना थिए । प्रदर्शनमा प्रहरीले मञ्चमा अश्रुग्यास हानेर बल प्रयोग गर्न खोज्दा प्रदर्शन हिंसात्मक भएपछि दुई जनाले ज्यान गुमाए ।

समन्वय अभाव हुँदा सुरक्षाकर्मीले मञ्चमा अश्रुग्याँस प्रहार गरे । अश्रुग्याँस प्रहार गरेर राजतन्त्र पक्षधरहरुको कार्यक्रम प्रहरीले नै बिथोलिदिएपछि प्रदर्शनकारीहरू तोडफोडमा उत्रिएको प्रहरीकै आन्तरिक रिपोर्टमा भनिएको छ ।

प्रदर्शन नियन्त्रणमा लिन प्रहरीले बल प्रयोग गरेको प्रहरीकै आन्तरिक अनुसन्धानले भनिएको छ । अधिकांश सरोकारवालाहरू तीनकुनेमा सुरक्षा ‘कमजोरी’ भएको बताउँछन् । तर प्रहरीले आफनो कमजोरी लुकाउन प्रदर्शनका कमान्डर दुर्गा प्रसाईमाथि आरोप सरकारले लगाएको छ ।

जिल्ला प्रशासन कार्यालसँग अनुमति लिएर प्रसाईं नेतृत्वको समूहले तीनकुने चौरमा मञ्च बनाएको थियो । सभाको प्रमुख अतिथिका रूपमा पुगेका सुवेदी पुगेको केही मिनेटमै सुरक्षाकर्मीले मञ्चमा अश्रुग्यास प्रहार गरेका थिए । त्यसपछि राजावादीहरु उग्र भएको प्रहरी नै बताइरहेको छ ।

प्रहरीकै आन्तरिक रिपोर्टमा मञ्चमा अश्रुग्यास हानेको प्रहरीले सुरुमा हानेको भनिएको छ । प्रहरीले गृहमन्त्री रमेश लेखक र प्रहरी प्रमुखभन्दा पनि प्रधानमन्त्री केपी ओलीको निर्देशनमा राष्ट्रगान बज्दा बज्दै मञ्चमा अश्रुग्यास हानेको प्रहरीले गृहमन्त्री लेखकलाई रिपोटिङ गरेका थिए ।

तीनकुनेमा भएको आन्तरिक कमजोरीबारे वरिष्ठ उपरीक्षक शेखर खनाल नेतृत्वको टिमले छानबिन सुरु गरेको छ । उनले निष्पक्ष छानबिन गरे प्रसाई दोषी नहुने प्रहरीका उच्च अधिकारीहरु बताउँछन् ।

Image Source: © https://mulpatra.com

काठमाडौँको तीनकुनेमा पर्वराजा ज्ञानेन्द्र शाहका समर्थहरूले गरेको प्रदर्शनमा भएको ‘कमजोरी’ बारे प्रहरीले आन्तरिक छानबिन सुरु गरेको छ । छानबिन गर्न प्रहरी वरिष्ठ उपरीक्षक (एसएसपी) शेखर खनाललाई संयोजक तोकिएको छ । समितिमा खनालसहित ७ जना सदस्य छन् ।

तीनकुनेको सुरक्षा जिम्मेवारी एसपी अपिल बोहरा र प्रदर्शनी मार्गको जिम्मेवारी एसपी कुलदिप चन्दले पाएका थिए । तर, प्रदर्शनकारीले त्रिभुवन विमानस्थलको कम्पाउन्ड भित्र पसेर आगजनी सुरु गरेपछि आइजिपी दीपक थापाले कुलदिप चन्दलाई त्यसतर्फ पठाएका थिए । सिनामंगलस्थित हवाई इन्धनको डिपो र नागरिक उड्डयन प्राधिकरणमा आगजनी हुनबाट रोक्नका लागि उनलाई त्यसतर्फ पठाइएको प्रहरी प्रधान कार्यालयका अधिकृतहरू बताउँछन् ।

तीनकुने खटिएका प्रहरीले नै सुरुमा राष्ट्रगान बज्दै गरेको मञ्चमा अश्रुग्यास हानेको सूचना गृहमन्त्रालयमा प्रहरीले नै दिएका थिए । तर प्रधानमन्त्रीको निर्देशनमा अश्रुग्यास हानेको थाहा पाएपछि गृहमन्त्रीले सूचना गुपचुप राखेका थिए ।

तीनकुनेमा खटिएका एसपी अपिल बोहरा र अपरेसन कमान्डर सुन्दर तिवारीबिच ‘समन्वय अभाव’ भएको आन्तरिक छानबिन निष्कर्ष छ । डीएसपी तिवारी काठमाडौँ जिल्लाको दैनिक अपरेसन सञ्चालन गर्ने कमान्डर हुन् । काठमाडौँमा शान्ति सुरक्षा कायम गर्न जिल्लामा कार्यरत युनिट इन्चार्जहरूलाई परिचालन गर्ने जिम्मेवारी उनको हुन्छ । उनीहरुले तीनकुने प्रदर्शनमा सुरुमै प्रहरीले अश्रुग्यास हानेको थाहा पाएका थिए । अहिले प्रहरीभित्र यसविषयमा छलफल भइरहेको छ । एसपी अपिल बोहराचाहिँ जिल्ला प्रहरी परिसर काठमाडौँका ‘सेकेन्ड म्यान’ हुन् ।

काठमाडौँ प्रहरी प्रमुख विश्व अधिकारी हुन् । पूर्वराजा समर्थकहरूको प्रदर्शनस्थलमा सुरक्षा कायम गर्ने जिम्मा पाएका बोहरा र अपरेसन कमान्डर तिवारीको बिचमा ‘समन्वय’ नदेखिएको छानबिनका एक सदस्यले जनाएका छन् । तर तीनकुने घटनामा यस्तो घटना घट्नुमा प्रसाईको केही दोष छैन । त्यहाँ प्रहरी र सरकारकै कमजोरी देखियो ।

बागमती पुलमा ३ तहमा सुरक्षाकर्मीहरूले लगाएको ह्युमन सिल प्रसाईंले तोडेकोबारे आलोचना भइरहेको छ । यसमा पनि प्रहरीकै कमजोरी र प्रहरीले उनलाई आवेगमा ल्याएको छानबिन समितिको अध्ययनमा भनिएको छ । त्यसबारे प्रहरीले आन्तरिक छानबिन गरिरहेको जनाएको छ ।

मञ्चमा अश्रुग्यास कसरी प्रहार भयो भन्नेबारे पनि समितिले छानबिन गरिरहेको छ । छानबिन प्रतिवेदनका आधारमा कमजोरी गर्ने सुरक्षाकर्मीमाथि कारबाही गरिने गृहमन्त्रालका एक उच्च अधिकारीले जानकारी दिए ।