नेपालले स्कटल्यान्डलाई २ विकेटले पराजित गर्दै सिरिजमा पहिलो जित दर्ता गर्यो
काठमाडौं । ग्लास्गोमा जारी स्कटल्यान्ड, नेपाल र नेदरल्यान्ड्सबीचको टी-२० अन्तर्राष्ट्रिय सिरिजअन्तर्गत मंगलबार नेपालले घरेलु टोली स्कटल्यान्डलाई २ विकेटले हराउँदै प्रतियोगितामा पहिलो जित हात पारेको छ।
टस जितेर पहिले ब्याटिङ गरेको स्कटल्यान्ड १९.४ ओभरमा मात्र ९७ रनमा अलआउट भयो। माइकल लिस्कले सर्वाधिक ४६ रन बनाए भने नेपालका लागि सन्दीप लामिछानेले उत्कृष्ट बलिङ गर्दै ४ विकेट लिए। करण केसीले २ विकेट लिँदै टी–२० अन्तर्राष्ट्रियमा आफ्नो सयौं विकेट पूरा गरे।
९८ रनको लक्ष्य पछ्याएको नेपालले अन्तिम ओभरको पाँचौ बलमा जित निकालेको हो। नेपालका लागि कुशल भुर्तेलले ३० रन बनाउँदा, कप्तान रोहित पौडेल ७ रनमै आउट भए। सन्दीप लामिछानेले अन्तिम ओभरमा जित दिलाउने रन पूरा गरे।
यसअघि सिरिजको पहिलो खेलमा नेपाल नेदरल्यान्ड्ससँग तीनपटक सुपर ओभरमा पुगेको रोमाञ्चक खेलमा पराजित भएको थियो। स्कटल्यान्डविरुद्धको यो जित नेपाल र स्कटल्यान्डबीचको पहिलो टी–२० अन्तर्राष्ट्रिय प्रतिस्पर्धामा आएको पहिलो सफलता हो।