डिजिटल कारोबार बढ्दै, ५८ प्रतिशतले वृद्धि
काठमाडौं– नेपालमा पछिल्लो समय डिजिटल कारोबारमा उल्लेख्य वृद्धि भएको छ । नेपाल राष्ट्र बैंकको तथ्यांक अनुसार १ अर्ब ८४ करोड ३० लाख ५७ हजार ३१८ पटकको कारोबारमा उक्त रकम भुक्तानी भएको हो ।
गत आर्थिक वर्ष २०८१÷८२ मा ९८४ खर्ब ३१ अर्ब ४३ करोड २ लाख रुपैयाँ बराबरको डिजिटल भुक्तानी भएको छ । यो अघिल्लो आर्थिक वर्षको तुलनामा ५८.४० प्रतिशतले बढी हो ।
अघिल्लो आव २०८०÷८१ को तुलनामा गत वर्ष ४०९ खर्ब ५३ अर्ब १२ करोड रुपैयाँले डिजिटल कारोबार बढेको हो । अघिल्लो आवमा ५७४ खर्ब ७८ अर्ब ३१ करोड २ लाख रुपैयाँ डिजिटल कारोबार भएको तथ्यांकमा उल्लेख गरिएको छ ।
 |
 |
 |
|---|
नेपालमा पछिल्लो समय डिजिटल कारोबार र भुक्तानी दुबैमा निरन्तर बढ्दै गइरहेको छ । दैनिक रूपमा प्रयोगकर्ताका साथै कारोबारका डिजिटल उपकरणहरू पनि थपिँदै जाँदा कारोबार र भुक्तानी दुबैमा सुधार आएको हो । इन्टरनेट प्रयोगकर्ताको पहुँच बढेसँगै डिजिटल कारोबारमा पनि बढोत्तरी आएको छ ।
डिजिटल कारोबारका साधनहरु आटीजीएस, इसीसी, मोबाइल बैंकिङ, कनेक्ट आइपिएस, वालेट, डेबिट–क्रेडिट कार्ड, इन्टरनेट बैंकिङ लगायतका प्रयोग बढीरहेको छ ।
कुन माध्यबाट कति भयो भुक्तानी ?
Image Source: © https://mulpatra.com
गत आवमा आरटीजीएस मार्फत सबै भन्दा धेरै भुक्तानी भएको देखिन्छ । केन्द्रीय बैंकको तथ्यांक अनुसार आरटीजीएस मार्फत ७४९ खर्ब १ अर्ब ७५ करोड ६ लाख रुपैयाँ भुक्तानी भएको छ ।
यसैगरी, दोस्रो स्थानमा इसीसी मार्फत ६२ खर्ब ८९ अर्ब ३५ करोड ८ लाख रुपैयाँ भुक्तानी भएको छ भने तेस्रोमा फास्टर पेमेन्ट सिस्टम मार्फत ५२ खर्ब ४१ अर्ब ७० करोड ४ लाख रुपैयाँ भुक्तानी भएको छ ।
यस अवधिमा मोबाइल बैंकिङबाट ५० खर्ब १८ अर्ब ३३ करोड ४ लाख रुपैयाँ, आईपीएसबाट २९ खर्ब ११ अर्ब २३ करोड ३ लाख रुपैयाँ, डेबिट कार्ड मार्फत ११ खर्ब ३७ अर्ब ६७ करोड ३ लाख रुपैयाँ र एटीएम मार्फत १० खर्ब ८८ अर्ब ७० करोड ९ लाख रुपैयाँ भुक्तानी भएको छ ।
क्यूआरबाट ९ खर्ब ५८ अर्ब ३८ करोड ३ लाख रुपैयाँ, वालेटबाट ५ खर्ब ६ अर्ब ३१ करोड ५ लाख रुपैयाँ, इन्टरनेट बैंकिङबाट २ खर्ब ३३ अर्ब ८० करोड रुपैयाँ, क्रेडिट कार्डबाट २४ अर्ब १ करोड ४ लाख रुपैयाँ, प्रिपेड कार्डबाट १२ अर्ब ५५ करोड ५ लाख रुपैयाँ र ब्रान्चलेस बैंकिङबाट १९ अर्ब ४३ करोड ६ लाख रुपैयाँ भुक्तानी गरेको छ ।
त्यसैगरी, पिओएसबाट ७१ अर्ब ९६ करोड २ लाख रुपैयाँ, इकमर्सबाट १३ अर्ब ५३ करोड ५ लाख रुपैयाँ र क्रस बोडर क्यूआर मार्फत २ अर्ब ६६ करोड ६ लाख रुपैयाँ भुक्तानी भएको राष्ट्र बैंकको तथ्यांकमा उल्लेख गरिएको छ ।