मन्त्री घिसिङको एक्सनपछि डेडिकेटेड÷ट्रंक लाइनको विद्युत् महसुल धमाधम बुझाउज कम्पनीहरू थाले

काठमाडौं– बारा–पर्सा औद्योगिक करिडोरमा सञ्चालित त्रिवेणी सिन्थेटिक यार्न इन्डस्ट्रिज प्रा.लि.ले विगतमा लोडसेडिङको समयमा डेडिकेटेड तथा ट्रंक लाइनबाट विद्युत उपभोग गरेको प्रिमियम महसुलको बक्यौता रकम बिहीबार तिरेको छ ।

पहिलो किस्ता तिरेपछि ४ कात्तिकमा काटिएको सिन्थेटिकको विद्युत लाइन बिहीबार साँझ जडान गरिएको प्राधिकरणका कार्यकारी निर्देशक मनोज सिलवालले जानकारी दिए ।

त्रिवेणी सिन्थेटिकले २०७२ माघदेखि २०७५ वैशाखसम्ममा डेडिकेटेड तथा ट्रंक लाइन प्रयोग बापतको प्रिमियम महसुलको पहिलो किस्ता बुझाएका हो । त्रिवेणी सिन्थेटिकको ४ करोड ३९ लाख ८३ हजार रुपैयाँ बक्यौता रहेको छ ।

बक्यौतालाई २८ किस्तामा विभाजन गरी त्रिवेणी सिन्थेटिकलले १५ लाख ७१ हजार रुपैयाँ पहिलो किस्ता बुझाएको हो ।

नेपाल विद्युत् प्राधिकरणको कार्यकारी निर्देशक हुँदादेखि नै डेडिकेटेड तथा ट्रंक लाइनको महसुल उठाउनमा क्रियाशील कुलमान घिसिङले ऊर्जामन्त्री बनेपछि यसलाई थप जोड दिएका छन् । पछिल्लोपटक अन्य कम्पनीहरू पनि डेडिकेटेड तथा ट्रंक लाइनको महसुल बक्यौता बुझाएका छन् ।