सिण्डिकेटधारीसँग साँठगाँठ गर्न थालेपछि संघका अध्यक्ष गुरुङको विकल्प खोज्नतिर लागे उनैलाई अध्यक्ष बनाउने म्यानपावर

काठमाडौं– वैदेशिक रोजगार व्यवासायी संघका अध्यक्ष भुवन गुरुङले संघको गतिविधिमाथि प्रश्न उठाउने म्यानपावर व्यवसायीलाई तथानाम गाली गर्न थालेका छन् ।

संघको अध्यक्ष भएको ६ महिना हुन लागेको छ । तर वैदेशिक रोजगार क्षेत्रका लागि सिन्को समेत भाँच्ने गरी काम नगरेपछि अध्यक्षबाट उनको राजीनामा म्यानपावर व्यवसायीले माग्न थालेका छन् ।

अप्रत्यक्ष रुपमा साँठगाँठ बढाएको संघका अध्यक्ष गुरुङले आफुले नै जापान वैदेशिक रोजगारीमा कामदार पठाउन पहल गरेको र जापानबाट डिमाण्ड ल्याउने भन्दै केही म्यानपावर व्यवसायी भिसा दिने प्रलोभन समेत देखाइरहेको चर्चा म्यानपावर व्यवसायीभित्र चलेको छ । उनलाई व्यवसायीले आज उनकै समर्थक व्यवसायी एक साताभित्र नसुध्रिए अध्यक्ष पदमा विदा गर्ने चेतावनी समेत दिएका छन् ।

व्यवसायीमाथि धम्क्याउने, हप्काउने र उनीहरुसँग भित्र–भित्रै हप्ता असुली गरेको समेत व्यवसायीको आरोप छ । यो व्यवहार एक साताभित्र नसुधारे उनीलाई हटाउनेसम्म व्यवसायीले चेतावनी समेत दिएका छन् ।

मलेसिया रोजगारीमा सिण्डिकेट, मलेसियाकै स्वास्थ्य सिण्डिकेटधारी कैलाख खड्कासँग साँठगाँठ, जापान रोजगारीमा सिण्डिकेट र म्यानपावरलाई धम्क्याउनेसम्मको गुरुङले काम गदै आएका छन् ।

उनीसँग व्यवसायी असन्तुष्ट भएपछि अग्रज म्यानपावर व्यवसायी हेम गुरुङले गत साता एउटा मिटिङ आयोजना समेत गरे । तर उनले त्यहाँ पनि अध्यक्षको दम देखाएपछि उनलाई अध्यक्ष जिताउन सहयोग गरेका व्यवसायीहरु हच्किए । त्यति मात्र होइन गुरुङको पछिल्लो गतिविधि र उनले सिण्डिकेट धारीसँग साँठगाँठ गरेको व्यवसायीले प्रमाण फेला पार्न थालेका छन् । जसका कारण अहिले उनीविरुद्ध २,४ जना भन्दा बाहेकका सबै व्यवसायीले विरोध गर्न थालेका छन् ।

Image Source: © https://mulpatra.com

संघको अध्यक्ष भएपछि गुरुङ व्यक्तिगत भिसा कामदार पठाउने, भिसा किनेर कामदार पठाउने र अन्य सिण्डिकेटधारी व्यवसायीसँग मिलेर संस्थालाई आफनो म्यानपावर कम्पनीजस्तै ठान्न थालेपछि उनीसँग म्यानपावर व्यवसायी नै रुष्ट छन् । उनकै कारण कतिपय संघको सदस्यले समेत राजिनामा दिएका छन् । भने संघको साधारण सदस्य समेत त्याग्ने व्यवसायीको संख्या समेत बढ्दो छ ।एक व्यवसायीका अनुसार उनले संघको अनलाइन प्रणाली समेत हेर्न जान्दैन् । गुरुङ आफुलाई २२ वर्षदेखि व्यवसायी गर्दै आएको र आफुविरुद्ध बोल्नलाई वैदेशिक रोजगार विभाग लगाएर छापा मार्ने धम्की समेत दिदै आएका छन् । गुरुङ स्यंम ठगिमा, भिसा किनबेच र वैदेशिक रोजगारीका सिण्डिकेटधारीसँग मिलेका छन् ।

दशैं अगाडी जापान इन्टरनेसनल ट्रेनिङ कोअपरेसन अर्गनाइजेसन (जिट्को)को कार्यक्रममा सहभागि हुने नेपाल वैदेशिक रोजगार व्यवसायी संघका अध्यक्ष गुरुङ जापान पुगेका थिए । त्यतिबेला उनले संघका पदाधिकारी र कार्यवाहक अध्यक्ष समेत कसैलाई नतोकि जापान गएको संघकै पदाधिकारीले आरोप लगाएका थिए ।

र संघका अध्यक्ष गुरुङ जिट्कोकै सञ्चालकसँग मिलेर जापान गएपछि केही कोटा ल्याउन पहल गरेका थिए । उनले जापानको रोजगारीमा केही सिण्डिकेटधारीसँग मिलेर प्रभुत्व जमाउन प्रयास समेत गरे । उनले कतिपय व्यवसायीसँग जापानबाट आफुले नै कोटा ल्याएर अरु दिनेसम्म प्रस्ताव गरेका थिए ।

गुरुङले यूएईको रोजगारी बन्द भएको विषयमा सरकारसँग पहल गर्न सकेन । जसका कारण श्रम र परराष्ट्र मन्त्रालयले वेवास्ता गदै आएको व्यवसायीको बुझाइ छ । अहिले यूएई जाने कामदारलाई प्रहरी रिपोर्टका नाममा १४ हजार २ सय लिने चलेखेलमा समेत गुरुङ संलग्न रहेको व्यवसायीको आरोप छ ।

यूएई रोजगारी भिसा खुलेसँगै खुलेसँगै रोजगारी र भ्रमणमा जाने नेपालीमाथि ‘पुलिस रिपोर्ट’ प्रमाणीकरणको नाममा नयाँ र महँगो आर्थिक भार थपेको छ । युएई जाने नेपालीहरुले भिसा प्रमाणिकरणका लागि १४ हजार २ सय तिनुपर्ने भएको छ । तर यसको पछाडी ५ जना म्यानपावर व्यवसायीको हात रहेको वैदेशिक रोजगारीमा कामदार पठाउँदै आएका व्यवसायीहरुले बताउन थालेका छन् ।

जेनजी आन्दोलनपछि पनि डिसेम्बर ४ सम्म यूएईले प्रहरी रिपोर्ट भीएफएस नगरी नै प्रहरी रिपोर्टकै आधारमा भिसा प्रमाणिकरण गदै आएको थियो । तर यूएईस्थित नेपाली दूतावासका राजदूतसहित केही कर्मचारीका कारण हाल प्रहरी रिपोर्ट भीएफएस गर्नुपर्ने अवस्था आएको एक म्यानपावर व्यवसायीले जानकारी दिए ।

प्रहरी रिपोर्ट भीएफएस गरेबापत भीएफएसलाई पनि ३ हजार पैसा जाने र अरु पैसा नेपालस्थित यूएई दूतावासमा जान्छ । यसमा पनि ठुलो आर्थिक चलखेल रहेको म्यानपावर व्यवसायीबीचमै चर्चा छ ।