नेपाली कांग्रेस विशेष महाधिवेशनः ८ बजेदेखि शुरु भयो प्रतिनिधिको नाम दर्ता

काठमाडौं । भृकुटी मण्डपमा आजदेखि शूर नेपाली कांग्रेसको विशेष महाधिवेशनमा प्रतिनिधिको नाम दर्ता शुरु भएको छ । बिहान ८ बजेदेखि देशभरिबाट आएका प्रतिनिधिहरुको नाम दर्ता सुरु भएको छ । प्रतिनिधिको दर्ता वापत रु १ हजार लिइएकोछ । ्

विशेष महाधिवेशन व्यवस्थापन संयोजक मनोजमणि आचार्यका अनुसार महाधिवेशनमा सहभागी हुन आउनेको नाम दर्ताका लागि भृकुटीमण्डपको गेटम सम्मुखमै स्टल राखिएको छ। नाम दर्ता गर्न आउँदा परिचय खुल्ने कागज ल्याउनुपर्ने समेत जनाइएको छ ।

५४.५८ प्रतिशत महाधिवेशन प्रतिनिधिले विशेष महाधिवेशन माग गरि मागपत्र दर्ता गरेका थिए । पार्टी सभापति देउवा र कार्यवाहक सभापतिसमेतले विशेष महाधिवेशन भन्दा नियमित महाधिवेशन गर्ने भन्दै पछि सार्न खोजेपछि महामन्त्रीद्धय गगनकुमार थापा र विश्वप्रकाश शर्माको अगुवाइमा दुईदिने विशेष महाधिवेशन आजदेखि हुन लागेको हो ।