वैरो संघका ५ पदाधिकारीसहित कार्यसमितिका ११ ले दिए राजिनामा, असन्तुष्ट पक्षले संघमा लगाए तालाचाबी

काठमाडौं– वैदेशिक रोजगार व्यवसायी संघका ११ जना पदाधिकारीसहित ११ जना कार्यसमितिले काठमाडौं जिल्ला प्रशासन कार्यालयमा राजिनामा बुझाउने भएका छन् ।

संघका पदाधिकारीसहित ११ जना बहुमत संख्याले राजिनामा दिएको हो । प्रथम उपाध्यक्षमा सुजित कुमार श्रेष्ठ, तृतीय उपाध्यक्षमा बैकुण्ठप्रसाद पौडेल, महासचिवमा महेश कुमार बस्नेत, सचिवमा कुन्छा दोर्जे डिम्दोङ्ग, कोषाध्यक्षमा धनमाया सिजालीले समेत राजिनामा दिएको संघले जनाएको छ ।

साथै सदस्यहरूमा रेखा शर्मा, कृष्ण ढकाल, भरत सापकोटा, देवीप्रसाद गिरी, रमा खड्का, रेखा शर्मा,कृष्ण ढकाल र हिमा गुरूङ राजिनामा दिएका छन् ।

वैदेशिक रोजगार अव्यवस्थीति भएपछि संघले व्यवसायीका लागि काम गर्न नसकेपछि अहिलेको अवस्था बुझेर संघलाई सुधार्न राजिनामा दिएको संघका प्रथम उपाध्यक्ष सुजित श्रेष्ठले जानकारी दिए ।

संघका अध्यक्षले कामभन्दा पनि आफनो लागि मात्र काम गर्न थालेपछि व्यवसायी असुरक्षीत भएको व्यवसायीको गुनासो छ । त्यही भएर संघलाई सुधार्न संघका पदाधिकारीसहित कार्यसमितिले राजीनामा दिएको श्रेष्ठले स्ष्ट पारे ।

वैदेशिक रोजगारी जेनजी आन्दोलनपछि समस्यामा फसेको छ । तर अध्यक्षले यस क्षेत्रलाई सुधार्नुभन्दा पनि झन समस्यामा फसाउन थालेपछि अहिलेका अवस्था सिर्जना भएको संघका महासचिव महेश बस्नेतले बताएका छन् ।

Image Source: © https://mulpatra.com

अध्यक्ष जस्तो पदलाई ख्याल नगरी व्यवसायीलाई गलत गर्न थालेपछि समस्या समाधानका लागि राजिनामा दिएको उनको दाबी छ । व्यवसायी र संघ सुधार्न आफुले राजिनामा दिएको महासचिव बस्नेले स्ष्ट पारे ।

अध्यक्षले व्यवसायीलाई हेप्ने र पक्षपात र व्यवसासीका लागि काम नगरेका कारण राजिनामा दिएकाे सदस्य रेखा शर्माले गुनासो पाेखिन । काम गर्न अवस्था नभएका कारण आफुले राजिनामा दिएकाे उनकाे दाबी छ ।

संघका सचिवमा कुन्छा दोर्जे डिम्दोङ्गले व्यवसायीका लागि साेचे जस्तो काम नभएका कारण अहिले अवस्था सिर्जना भयाे । अध्यक्षकाे कार्यशैली र पदाधिकारीमाथि दमन गरेका कारण व्यवसायीका लागि काम गर्न नसक्दा समस्या परेकाे उनले बताए ।

यस्तै, तृतीय उपाध्यक्ष बैकुण्ठप्रसाद पौडेलले व्यवसायीका साझा विषयमा अध्यक्षले नाटक गरेर काम टार्ने खाेज्दा अहिलेकाे समस्या देखियाे । पुराना कामलाई नयाँ भनेर देखाउन खाेज्दा व्यवसायी समग्र वैदेशिक राेजगारी क्षेत्र नै समस्या फसेकाे उनले बताए ।

वैदेशिक रोजगारीका नाममा थप आर्थिक भार र झन्झटिलो भैरहेकोले यसमा संघका अध्यक्षले कमिशनमा काम गरिरहेका छन् । उनले सिण्डिकेटधारीसँग मिलेर कमिशन लिइ वैदेशिक रोजगारी क्षेत्रमा समस्या सिर्जना समेत गरे । व्यवसायीका हकहितमा काम गर्न नसकेकाे भन्दै काेषाध्यक्ष धनमायााले माफी मागिन । व्यवसायीसँगै रहेन समेत भनिन् ।