शिक्षामा ५६ अर्ब ८२ करोड बजेट सिलिङ

काठमाडौं । राष्ट्रिय योजना आयोगले आगामी आर्थिक वर्ष ०८१÷०८२ का लागि शिक्षा क्षेत्रमा ५६ अर्ब ८२ करोड रुपियाँ बजेटको सिलिङ तोकिदिएको छ । योजना आयोगले शिक्षा, विज्ञान तथा प्रविधि मन्त्रालयका प्रतिनिधिसंगको छलफल पछि बजेटको सिलिङ तोकेको हो ।

गत आ.ब.मा ५६ अरब ३० करोडको हाराहारीमा बजेट विनियोजन गरेकोमा यस बर्ष करिब ५२ करोड बढी बजेटको सिलिङ आयोगले तोकिदिएको छ ।

मन्त्रालय स्रोतका अनुसार सिलिङ भएको बजेटमा आगामि आर्थिक वर्ष शिक्षाको न्यूनतम दायित्व पूरा गर्न २३ अर्ब ७७ करोड रुपियाँ अपुग हुने देखिएको छ । सिलिङ भएको बजेट अपुग हुने भन्दै वृद्धि गर्न आयोगसँग छलफल भइरहेको छ । प्रदेश र स्थानीय तहको बजेटको सिलिङ निर्धारणका लागि भने अझै पनि छलफल भइरहेको छ ।