ओलीको निर्देशनमा प्रसाईको अडियो–भिडियो प्रसारणमा अंकुश लगाउँदै प्रेस काउन्सिल
काठमाडौं–लोकतन्त्रको सबैभन्दा बलियो पक्ष भनेको वाक् स्वतन्त्रता हो । सरकारले अहिले यही वाक् स्वतन्त्रतामाथि अंकुश लगाउन खोजिरहेको नागरिक बचाउ महाअभियानका संयोजक तथा मेडिकल व्यवसायी दुर्गा प्रसाईले आरोप लगाएका छन् ।
उनका अनुसार केही दिनयता आफनो आवाज जनतासामु पु¥याउने सञ्चारमाध्यम युट्युब च्यानलमाथि प्रेस काउन्सिल नेपालले अंकुश लगाउन थालेको छ । राजतन्त्रमा समेत जनताले राजा र त्यतिबेला व्यवस्थाको विरोध गर्न पाउँथिए । अहिले राजनीतिक दलका छोटे राजाहरुले जनताको सुन्ने र पढ्ने वाक् स्वतन्त्रतामा अंकुश लगाउन थालेको प्रसाईको आरोप छ ।
पछिल्लो समय मैले बोलेको आवाज जनतासामु पु¥याउने युट्युब च्यानललाई प्रेस काउन्सिल नेपालले प्रसारण नगर्ने दबाब दिइरहेको गुनासो आइरहेको उनले बताए । ‘मैले बोलेको अडियो र भिडियो हाल्ने अनलाइन, युट्युब च्यानल र केही छापामाध्यमलाई प्रेस काउन्सिल प्रसारण नगर्ने पत्राचार गरेको पाइयो । यो लोकतन्त्रमा अन्याय हो । जनताले अब राजनीतिक दलको भर्ती केन्द्र बनेको प्रेस काउन्सिलमाथि प्रश्न गर्न थालेका छन् ।’ उनले भने ।
प्रधानमन्त्री केपी ओलीले मेरो वाक् स्वतन्त्रतामा प्रतिबन्ध लगाउन खोज्दैछन् । यसको ठुलो मुल्य प्रधानमन्त्रीले चुकाउनुपर्ने प्रसाईको चेतवानी छ । हिजो बोल्न पाइने भनेर वाक् स्वतन्त्रताका लागि राजतन्त्रविरुद्ध आन्दोलन गरेका ओलीले अहिले त्यही काम गर्नु कति लाज मर्दो भएको भन्दै प्रसाईले प्रश्न गरेका छन् ।
ओली अहिले सञ्चारमाध्यभन्दा बलियो सामाजिक सञ्जाल भएको थाहा पाएका छैन । कतिमा प्रतिबन्ध लगाउँछन् हेर्दै जाने उनको भनाइ छ ।
यता प्रेस काउन्सिल नेपालका एक कर्मचारीका अनुसार दुर्गा प्रसाईको अडियो र भिडियोमा कडाइ र रोक लगाउन प्रधानमन्त्री केपी ओली ठाडो निर्देशन दिएका छन् । त्यही निर्देशनअनुुार प्रसाईको अडियो–भिडियोमा कडाइ गर्न थालिएको उनले जानकारी दिए ।
प्रसाईका हरेक भिडियो हेर्ने र रोक लगाउन प्रधानमन्त्रीको निर्देशन आएको छ । त्यही भए उनको भिडियो प्रसारण गर्ने सञ्चारमाध्यमाथि निगरानी गरिएको ती कर्मचारी बताउँछन् ।
प्रसाईको भिडियो प्रसारण गरेका केही युट्युब च्यानलको काउन्सिलले साइबर प्रहरीमा पत्राचार समेत गरेको छ ।