प्रथम झापा १–काठमाडौं कप फुटसल प्रतियोगिता २०८१ सन्चालन हुने

काठमाडौं । काठमाडौंको डिएभी स्कुल जावलाखेल, ललितपुरमा प्रथम झापा १–काठमाडौं कप फुटसल प्रतियोगिता २०८१ सन्चालन हुने भएको छ । तीस बर्ष मुनिका खेलाडी रहने उक्त फुटसल प्रतियोगितामा ७ वटा टिम समावेश हुने भएका छन ।

उक्त अवसरमा झापा १ का राजनैतिक दल र कलाकार साथै पेशा व्यवसायी र कर्मचारी, झापा क्षेत्र नं. १ क र ख का महिलाहरु बीच मैत्रीपूर्ण खेल समेत हुने भएको छ । खासगरि झापाबाट काठमाडौं आइ बसोबास गर्ने, व्यापार व्यवसायी गर्ने र विद्यार्थीहरुलाई लक्षित गरि उक्त खेलको आयोजना गरिएको छ ।

यहि असोज १२ गते शनिवार सन्चालन हुने उक्त फुटसल प्रतियोगितामा झापा क्षेत्र नं. १ का ७ वटा टिम बिच प्रतिस्पर्धा हुने भएको छ । जसमा शान्तिनगर, बाहुन्डाँगी, धाइजन, मेचिनगर, ज्यामिरगढी, दुहागडी र चन्द्रगडी बीच प्रतिस्पर्धा हुने भएको छ ।

प्रतियोगितामा विजेता हुने टीमले २१ हजार नगद सहित ट्रफि र सम्मानपत्र पाउने छन भने दोश्रो हुने टीमले ११ हजार नगद सहित ट्रफि र सम्मानपत्र पाउने आयोजक संस्थाका प्रमुख प्रज्वल कोइरालाले जानकारी दिनुभयो ।
प्रतियोगिता झापा १ संघीय सांसद सचिवालय र नेपाली कांग्रेस झापा १–काठमाडौं सम्पर्क समितिले संयुक्त रुपमा आयोजना गरेको हो ।