अरु काम छाडेर प्रधानमन्त्री ओलीले अमेरिकाबाटै प्रसाईसँग इगो साँध्दै

काठमाडौँ– साईबर अपराधको कसुरमा पक्राउ परेका नागरिक बचाउका संयोजक तथा मेडिकल व्यवसायी दुर्गा प्रसाई वीर अस्पतालमा उपचारत छन् ।
पक्राउ परेकै दिन प्रसाईँको स्वास्थ्यमा समस्या देखिएपछि उनलाई वीर अस्पतालमा भर्ना गरिएको थियो ।

प्रसाईँलाई उच्च रक्तचाप र मुटुसम्बन्धी समस्या देखा परेको थियो । प्रसाईँलाई बिरामी भएपनि प्रधानमन्त्री केपी ओलीको निर्देशकमा एक प्रहरी बृत्त सिंहदरबारमा राखिएको थियो ।

हाल अमेरिका भ्रमणमा रहेका ओलीले अरु सबै काम छाडेर प्रसाईलाई फसाउनतिर लागेका छन् । ओलीसँगै उनको सचिवालय र युवा संघका केही कार्यकर्ता समेत प्रसाईलाई जसरी हुन्छ थुनाउन लागि परेको प्रहरी स्रोतकै दाबी छ ।
प्रहरीका एक उच्च अधिकारीका अनुुसार प्रसाईलाई सामान्य मुद्धामा यति दुख दिनुपने आवश्यकता छैन । यसमा अहिले माथिका दबाब बढी छ । जसका कारण प्रसाईलाई यति दुख दिएको उनको दाबी छ ।

एमाले पार्टी अध्यक्ष ओलीले प्रसाईसँग व्यक्तिगत इगोका कारण पनि उनलाई दुख दिएको प्रहरी नै बताउँछन् । यस विषयमा सबै जानकार छन् ।

रास्वपा केन्द्रीय सदस्य टीका संग्रौला (ज्वाला) लगायतले साइबर क्राइमको आरोपमा प्रसाईंविरुद्ध जाहेरी दिएका थिए । तर त्यो भन्दा फरक विषयमा एमालेको पार्टी कार्यालय र युवा संघले उजुरी दिएको साइबर प्रहरीका अधिकारीहरु नै बताउँछन् ।

युवा संघका एक जना नेता रोशन घिमिरे नाम गरेका व्यक्तिले पनि प्रसाईविरुद्ध उजुरी दिएका छन् । जसका विषयमा प्रसाईलाई केही थाहा छैन ।

जाहेरीका आधारमा प्रहरीको साइबर ब्युरोले गत आइतबार उनकै निवास भक्तपुरबाट पक्राउ गरेको थियो । तर यो त वाहाना मात्र भएको पाइएको छ । प्रसाईलाई फसाउन एमाले अध्यक्ष ओली अमेरिकामा बसेर अनेक चलखेल गरिरहेको प्रसाईका समर्थकको आरोप छ ।