एक्टरको कपिराइटको मुद्दा फिर्ता, आजदेखि हलमा

काठमाडौं– ‘एक्टर’ का निर्माताले ‘एक्टर टेक वान’ विरुद्ध हालेको कपिराइटको मुद्दा फिर्ता लिएका छन् । मुद्दा फिर्ता भएको पत्र जिल्ला अदालत काठमाडौंले हल व्यवसायीको संगठन नेपाल चलचित्र संघलाई आज पठाएको हो ।

यससँगै ‘एक्टर टेक वान’को प्रदर्शनमा उत्पन्न अन्योल समाप्त भएको छ । यसअघि भएको जिल्ला अदालतको आदेशलाई टेकेर हल व्यवसायीले एक्टर प्रदर्शन गर्न मानेका थिएनन् ।

मुद्दा फिर्ता लिएपछि मात्रै चलचित्र प्रदर्शन गर्ने हल व्यवसायीको अडानका कारण आज बिहानको शो प्रभावित भयो । दिउँसोबाट चलचित्र प्रदर्शनमा आएको निर्माण पक्षले जानकारी दियो ।