कार्यविधि– सिण्डिकेट खारेज गर्न तातिए श्रममन्त्री, कतार भिसा सेन्टर र मलेसियाको स्वास्थ्य मेडिकल जोगाउनतिर संघका अध्यक्ष गुरुङ

काठमाडौं– श्रम, रोजगार तथा सामाजिक सुरक्षामन्त्री राजेन्द्रसिंह भण्डारीले वैदेशिक रोजगारी क्षेत्रमा नीतिगत रुपमै काम गर्न असहज भइरहेका सबै कार्यविधि खारेजीको प्रक्रिया अघि बढाएका छन् ।

उनले आफ्नो कार्यकालमै वैदेशिक रोजगारीमा जाने कामदारका हकमा लागू भएका सबै ‘सिन्डिकेट’ हटाउन आवश्यक रहेको बताउँदै यस्ता कार्यविधि खारेज गर्ने निर्णयमा पुगेको मूलपत्रसँग बताएका छन् ।

वैदेशिक रोजगारीमा जाने कामदारका लागि बनाइएका ‘फ्री भिसा टिकट’, अभिमुखीकरण, तालिमलगायतका कार्यविधि एक महिनाभित्रमा खारेज गर्ने उनले बताए । श्रम स्वीकृतमार्फत विदेश पठाउने, निःशुल्क स्वास्थ्य परीक्षणको व्यवस्था गर्ने र अभिमुखीकरण तालिम पनि सञ्चालन गर्ने व्यवस्था ल्याइने छ । कार्यविधिका नाममा श्रमिकलाई ‘ट्र्याप’मा पारेर दुःख दिने काम भइरहेको देखियो । केही सातामै वैदेशिक रोजगारसम्बन्धी स्वास्थ्य परीक्षणमा तोकिएको अधिक शुल्क खारेज गरिएको छ । अब अरुपनि प्रक्रियामा जान्छ ।’ उनले भने ।

वैदेशिक रोजगारीमा नीति, नियम देखाएर श्रमिकमाथि दुःख दिने काम भइरहेको छ । यही कार्यकालभित्र सबै सिन्डिकेट तोडिएर मात्र आफु बाहिरिने उनको दाबी छ ।

खाडीका देश र मलेसिया वैदेशिक रोजगारीमा जाने कामदारका हकमा सरकारले २०७२ सालमा कार्यान्वयन गरेको फ्री भिसा, फ्री टिकट नीतिको पुनरावलोकन गर्न गृहकार्य थालेको छ । यो नीति कार्यान्वयनमा आउँदा म्यानपावर व्यवसायीहरूले कार्यालय सञ्चालन खर्चसमेत धान्न मुस्किल भएको भन्दै लामो समयदेखि पुनरावलोकनको माग गर्दै आएका छन् ।

श्रम मन्त्रालयले उक्त नीतिको सकारात्मक र नकारात्मक पक्षहरूको अध्ययन थालेको छ भने व्यवसायीहरूले फ्री भिसा, फ्री टिकट नीति अभिशापको संज्ञा दिँदै तत्काल परिवर्तन आवश्यक रहेको श्रम मन्त्रीको भनाइ छ ।

Image Source: © https://mulpatra.com

यता वैदेशिक रोजगारीमा जाने कामदारलाई विभिन्न वाहानामा ठगि खाने भाँडो बनाइरहेका कतार भिसा सेन्टर, मलेसियाको स्वास्थ्य परिक्षणमा सिण्डिकेट खडा गरेर खाइरहेका कैलाश खड्का र गाम्का मेडिकल पनि खारेजी गर्नुपर्ने दबाबमा श्रम मन्त्री भण्डारी छन् ।

तर उनलाई वैदेशिक रोजगार व्यवसायी संघका अध्यक्ष भुवनसिंह गुरुङले नै कतार भिसा सेन्टर र मलेसियाको स्वास्थ्य परिक्षणका गरिरहेका कैलाश खड्का स्वास्थ्य संस्था नचलाउन श्रम मन्त्री भण्डारीलाई आग्रह गरिरहेको श्रम मन्त्रालय स्रोतले जनाएको छ ।

श्रम भण्डारीले वैदेशिक रोजगारी क्षेत्रमा नीतिगत रुपमै काम गर्न असहज भइरहेका सबै कार्यविधि र सिण्डिकेट खारेज गर्दा कतार भिसा सेन्टर, मलेसियाको स्वास्थ्य परिक्षणमा सिण्डिकेट खडा गरेर खाइरहेका कैलाश खड्का र गाम्का मेडिकल पर्ने देखिन्छ । तर गाम्काका बारेमा केही नभनेका गुरुङले कतार भिसा सेन्टर र कैलाश खड्काको मेडिकल जोगाउन भने श्रम मन्त्रीसँग लविङ गरिरहेको श्रम मन्त्रालयकै उच्च अधिकारीले जानकारी दिए ।

खड्काले २०७२ सालदेखि मलेसिया जाने कामदारका हकमा एक्लौटी स्वास्थ्य परिक्षणका नाममा सिण्डिकेट खडा गरि काम गर्दै आएका छन् । भने कतार भिसा सेन्टरले २०७५ सालदेखि कतार जाने कामदारको स्वास्थ्य लगायत अन्य प्रक्रियामा काम गदै आएको छ । यसलाई पनि कतार जाने कामदारका हकमा सिण्डिकेट नै भनेर व्यवसायीले आरोप लगाउँदै आएका छन् ।

गाम्काले पनि साउदी जाने कामदारका हकमा स्वास्थ्य परिक्षण गर्दै आएको छ । यसलाई पनि व्यवसायीले सिण्डकेट नै भनेर आरोप लगाइरहेका छन् ।

हाल वैदेशिक रोजगारीमा जाने कामदारका हकमा फ्रि भिसा र फ्रि टिकटपछि यस क्षेत्रमा देखिएका सिण्डिकेट व्यत्तिगत भिसा, कतार भिसा सेन्टर, मलेसियाको स्वास्थ्य परिक्षणमा सिण्डिकेट खडा गरेर खाइरहेका कैलाश खड्का र गाम्का मेडिकल छन् । यी सबै सिण्डिकेट खारेज गर्ने पक्षमा श्रम मन्त्री भण्डारी उभिएपछि संघका अध्यक्ष नै कतार भिसा सेन्टर र खड्काको मेडिकल जोगाउन लागि परेका छन् ।

संघका अध्यक्ष भुवन गुरुङनै मलेसियाबाट सबैभन्दा बढी मुल्यमा भिसा किनेर ल्याइ कामदार पठाउने गरेको मौखिक उजुरी वैदेशिक रोजगार विभागमा परेको छ । विगतमा उनलाई विभागले सचेत समेत गराएको थियो ।

हाल मलेसियामा रहेको ३ जना एजेन्टमार्फत गुरुङले भिसा किनेर ल्याउने काम गरिरहेका छन् । यस विषममा मूलपत्र डटकमले विगतमा पनि रिपोटिङ गरेको थियो । विभागले आन्तरिक रुपमा यस विषयमा छानबिन गरिरहेको जनाएको छ ।